出發囉~~~
16/10/2011，10:55pm由香港出發搭土耳其航空先到伊斯坦堡，再轉機到克羅地亞首都札格勒布(Zagreb)
香港暫時無直航克羅地亞嘅航班，德國、法國、土耳其都有航機飛去克羅地亞，而通常好多人都會由德國轉機去，但係其實由土耳其去都幾方便，大約個幾鐘機就到，機票比由德國去平左(平時係咪一定平過呢就唔知.....)，所以最後決定左坐土耳其航空
坐左大約11個鐘頭機去到伊斯坦堡，抵達後再入去離境大堂時係當地時間清晨6點幾，由於一早已經响機上面刷左牙，所以去左廁所洗洗面就响機場裡面行下，等大約5個鐘後再轉機飛去札格勒布
伊斯坦堡機場無免費wifi提供，要搵免費wifi又唔使入pin嘅只有响位於hongkongbank卓越理財樓下food court位置果度，或者係响星巴克過少少果邊d候機區果度(有間唔知乜cafe個wifi係免費又無set pin，wifi在附近都search到)，其他地方都要俾錢先有，一係幫趁d食肆先可以wifi
對比香港機場，伊斯坦堡機場較細，所以呢5個鐘都幾難挨....如果係好鐘意shopping嘅又或嘆番個靚早餐嘅都會易挨d，可惜我又唔肚餓又唔多想使歐羅後換番d土耳其幣，所以响d舖頭度來來回回行左幾轉，加埋上左一段時間網，又打下機......最後都係頂唔順走左去候機區恰左一陣，先等到夠鐘上機
上左機又嚟玩delay....遲遲都未起到飛，結果去到札格勒布已經係下午3點幾，比原定遲左個幾鐘，好在本身預左買夜晚9點幾開嘅長途巴士去dubrovnik，所以都有時間响札格勒布行一陣先
今次plan左會坐夜車去dubrovnik先，所以慳左一晚住宿，不過因為之前未試過坐十幾個鐘機之後無地方瞓，接連再坐(兼瞓覺)十幾個鐘長途巴士，唔知對我嚟講感覺有幾辛苦.....經過今次體驗過後，如果再有下次，我諗我會選搭內陸機囉
沒有留言:
張貼留言