今個星期五六日又有假放，自從26/12開始嘅兩個星期，合共只係返咗兩日工，真係一個悠長假期......
趁住呢3日連續假期，星期五同幾位同事北上尋歡.......樂，先去樟木頭過一晚，星期六就會合另外幾位同事响深圳玩，原打算玩埋星期日，但係由於自知次次去親樟木頭間屋我就瞓唔到覺(事關我係一個唔係自己張床就瞓得唔好嘅人)，加上星期一要返7am，如果無番一日俾我充電返工會死得，所以最後都係星期六返香港。
呢次返大陸嘅組合，我地幾個都一致認同係有d邪，事關一上到去深圳就因為火車有問題而要誤點，攪到成8:40pm先開車，响火車站個侯車室度勁多人咁呆企半個鐘；一出到樟木頭車站，就見到某大廈火燭，成條街勁多黑煙，又焗又臭.....上去咁多次都未試過嘛~~~
食完嘢去咗摝齡，今次竟然第一次我地d女將高分過d男士，good，雖然去到最後幾round俾d男士追過咗，不過最後最高分果個都係女將，好good﹗
之後，出去等車去dum骨，天氣真係轉涼，好凍凍凍，dum完骨，成2點幾，條街重凍.....
返入屋，睇咗林海峰隻是但蹹發花癲，好好笑，佢講果段日本餐廳侍應果句「二三四」(原本發音係irasaimaise)同「多晒」(多謝晒)，勁攪笑，good﹗
第二朝去酒店飲早茶，第一次唔使等位就有位，開心﹗
飲完茶，去了掃番皂dvd，唔知會唔會寄到落嚟呢，不過呢間嘢有同事試過收到貨，大約一個星期就有，所以今次就試一試啦﹗
之後落去深圳會合另外兩位同事，由於我地有幾個要5點幾就走，所以又去了dum骨，呢度d師博好夠力亦啱位，都幾good啦﹗
以為唔再收港紙，原來都收，好在，因已唔夠人仔啦嘛﹗
攪掂就同埋兩個同事一齊返香港，由於係星期六唔多人返，所以好快就過到關，上到火車已經超攰，無耐就瞓咗，去到大圍先醒番......
返到屋企又餓又攰所以叫外賣食，食完無耐已經上床瞓覺，第二日瞓到成2pm先起身。
星期日，去咗食個tea，之後行咗一陣街，買咗d衫褲，返屋企食埋飯就走去上網，就咁一日。
嗚....咁快就又要返工lu。
********************************************************************************************************************
留言﹕
笨士爹娜 at 22/01/2007 01:15 am comment
good啦﹗我收到貨啦﹗d質素唔錯bor，有下次呀下，haha
siu hong at 19/01/2007 10:50 am comment
朋友！D碟到咗啦！如無意外星期六交到貨。
笨士爹娜 at 11/01/2007 12:34 am comment
好呀，佢出tee時我幫你買，是關我都想買番件，不過好似要等到下個月先去印tee....要等吓啦﹗ 最近都無咩特別，依然都係响舊中心做，暫時未諗住轉做社工(雖則都畢左業一段時間)，亦無諗過去註冊(係做先註啦無謂晒錢，成6舊水註冊費，真係搶錢)，咪繼續做住福利員先囉，ok啦~~~ 得閒咪會約班同事或者朋友仔去吃喝玩樂、返吓大陸咁，d生活都係咁架啦，無野做咪又上吓網囉，好似好無目標咁，自從學返就係"百無了賴"....不過都想今年會搵番d course去讀，maybe英文掛....
c. at 10/01/2007 10:39 am comment
如果怨念出tee，幫我買件呀! 不過要唸下點比番$$ 你bor~! 你最近點呀?
笨士爹娜 at 09/01/2007 10:58 am comment
唔緊要啦﹗等到下個月咪可以去印嘛﹗努力呀﹗可以趁呢個月畫多d作品嘛﹗
KARINA at 08/01/2007 01:46 pm comment
謝謝你.. 可惜尋日出到佢無開舖.. 要下個月先會再去印tee嚕><"
沒有留言:
張貼留言